تحدي القراءة / شهر فبراير ~

مساء/ صباح الخير يا أصدقاء

.. 🌺..

كتاب شهر فبراير 

كان بعنوان 

Self-Care for the Real World

للكاتبتين 

Nadia Narain
&

Katia Narain

.. 🌺..

اول ما لمحت الكتاب على ارفف الكتب

❤️😩 لفتني، اسر قلبي 

تصفحت بعض صفحاته و دخل مزاجي

❤️ فأخذته على طول 

الكتاب جداً جميل و اعتبره من الكتب المميزة

👌🏻 في العناية بالنفس
و الأهم من هذا كله إنه واقعي
يعني ما هذاك الكتاب الي يخلينا نهرب من واقعنا
علشان نحس بالراحة و الاستجمام
هالكتاب يخلينا نتكيف مع أكثر من جانب في الحياة
و كيف خلال هالظروف ممكن تخليني أتقبل نفسي و أحبها و أدللها

🌺
الكاتبتين تطرقوا للعناية بالنفس في ٥ جوانب في الحياة
الحب، الأمل، السلام، الفرح و النور


.. 🌺..


في الحب

افتتحت كلامها باقتباس جميل
"Just for a while, be open to the possibility
that there is nothing wrong with you"_Cheri Huber

❤️ حب نفسك مثل ما أنت
بحسناتك و بعيوبك
 ✋🏻 مافي إنسان كامل بالحياة
فتقبل نفسك و ركز على الامور الي تحبها في ذاتك
من الصعب إنك تروح و تطلع عيوب الدنيا
 لأي شخص في الحياة و تقولها له في وجهه
😤 فليش تسوي هالشئ مع نفسك؟

الكاتبتين ركزوا في هالجانب على كيف تتقبل نفسك
❤️ و تحترمها و تقدرها
مهما كانت العيوب إلي عندك
.
.

في الأمل

"I learned that when life pulls you under, you can 
kick back against the bottom, break the surface
and breath again"_Sheryl Sandberg

سهل جداً إننا ندعوا الناس بإن يفكروا بإيجابية و يحبوا نفسهم
علشان يتخطون الأزمات
لكن الكلام أسهل من التطبيق
صعب تطبق الايجابية في حياتك

لكن
 ذكر نفسك دائما بإنك إنسان
  ✋🏻 لا تلوم نفسك أو ظروفك لما تمر بأي أزمة
لان هذا ما يعني إنك فاشل
 فهذا من السنن الكونية في الحياة

🤷🏻‍♀️ فالحياة المثالية ما انوجدت لأي بشر في هذا الكون
 و حياتك ما شرط تكون مثالية علشان تكون سعيد

 الكاتبتين ركزوا كيف يساعدوا القارئ
✨ علشان يحس بالأمل في حياته بطريقة واقعية

.
.

في السلام

"Let what comes, come. Let what goes, go.
Find out what remains"_Ramana Maharshi

🕊 متى أخر مرة شعرت بالسلام الداخلي مع نفسك؟
كثير ننشغل مع الحياة و نعيش في توتر و صراع
علشان نحقق بعض الامور
🙇🏻‍♀️ لكن هالشئ أحيانا يخلينا نفتقد السلام الداخلي

 كون كريم مع نفسك
فإنت محتاج للسلام الداخلي علشان تستمد منها قوتك
و تدفعك للامام
!هالشئ جداً جداً مهم


الكاتبتين ركزوا في هذا الجانب بشكل عميق علشان يوصل
القارئ للسلام الداخلي بينه و بين أفكاره و بين مشاعره
 مراعيين الظروف الي ممكن أي شخص يمر فيها

.
.

في الفرح

"Joy is the best make up"_Anne Lamott

الفرح أو السعادة أو البهجة ما تجي بالأشياء الي تشتريها أو تكتسبها
و لا تجي بالفعاليات الخارجية
لو كانت كذا
كان الان كل الأغنياء سعداء و كل الفقراء تعساء

👌🏻 السعادة الحقيقية لازم تكون نابعة من الداخل

هنا الكاتبتين ركزوا على كيفية وصول القارئ
 للسعادة الداخلية النابعة من داخله
لان هذا النوع من السعادة هو الي ممكن يغير حياته للافضل

.
.

في النور

"As we let our own light shine, we unconsciously give
other people permission to do the same. As we are
liberated from our own fear, our presence automatically
liberates others."_Marianne Williamson

النور ما يقصدوا فيها النور الخارجي الي نعرفه
✨ النور المعني هنا هو النور الداخلي الموجود في كل واحد فينا

أحياناً نقابل أشخاص مجرد ما نشوف عليهم
🤝 نحس بجاذبية لهم
تحس الحياة تضحك لك
😷 و فيه ناس مجرد ما تشوفها تجيك ضيقة الخلق

الكاتبتين في هذا الجانب ركزوا على كيفية تقديم الدليل للقارئ
علشان يشع من الداخل
في أي وقت و أي مكان

.. 🌺..
❤️  الكتاب فيه لفتات جميلة بالحياة
ممكن تاخذوا الي يعجبكم
و تتركوا الي ما يناسبكم

من الاشياء الي لفتتني أيضاً بالكتاب

طريقة الطباعة
و نوعية الورق
و خط الكتابه
و استخدام الصور
❤️😩

هالشي يخليني اعطيه ما بس خمس نقاط

الا عشرة نقاط

لان احس مثل هالنوع من الكتب

 الي تتكلم عن العناية بالنفس

يتحتم على الكاتب انه 

ينتقي جودة طباعة و تصميم الكتاب

 كنوع من العناية لعين القارئ

😅 و نفسيته اثناء القراءة << حالي فلسفة خاصة يوم اشتري كتب 

مكان شراء الكتاب: تايلند

لكن تقدرون تحصلونه على هذا الرابط في الامازون

https://amzn.to/2L9hV7Q

.. 🌺..

هل سبق و قرأتوا هذا الكتاب؟
و إذا معكم إقتراحات لكتب ممكن أقراها في الشهور الجاية
اكتبوها في الكومنت هنا
أو تحت صورة تحدي القراءة بإنستجرامي
@ru2a_photography

شكراً على وقتكم
❤️كونوا بالقرب